A GRAMOLA GOMINOLA

A Gramola Gominola é unha banda de auténtico Rock&Roll en galego para público cativo. Eles son Paco Cerdeira (Pakolas, Zenzar), Paula Romero (De Vacas, Coro Encaixe), Anxelo de Xermar (Festicultores Troupe) e Rodrigo Muñoz (Di elas, Lacón con Grelos). O grupo naceu no ano 2015 e dende entón deron centos de concertos poñendo ao público en pé cos cornos en man!
Premio Martin Códax da Música 2018 ao mellor grupo de música infantil. Teñen tres libros-CD no mercado publicados pola Editorial Galaxia.

Anxelo de Xermar

(baixo)

Anxo leva dende a súa xuventude tocando en grupos de alta voltaxe. Despois de recorrer todo o país de concerto en concerto podedes velo ás catro cordas en grupos como A Gramola Gominola ou os Festicultores Troupe.

Paco Cerdeira

(guitarra e voz)

Paco Cerdeira é Pakolas, autor, compositor, músico e tamén produtor de música pensada para @s máis cativ@s. Ten longa traxetoria neste eido profesional pasando por grupos como Mamá Cabra. Na actualidade continúa facendo música coa súa guitarra en Zenzar e A Gramola Gominola.

Paula Romero

(voz)

Paula Romero é unha cantora galega que medrou arredor da música tradicional. Petou forte na pandeireta dende nena e foi máis adiante cando estudou canto moderno. Na actualidade está a traballar nos proxectos De Vacas e Coro Encaixe.

Rodrigo Muñoz

(batería)

Ro Muñoz é un baterista lucense formado nos seus inicios en bandas de hard rock, pasando polo funk o acid jazz e a fusión. Acompaña artistas e toca en bandas de distintos estilos ata hoxe, pero na Gramola Gominola demostra a sua paixón polo Rock&Roll.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies